ಏಕೆ  ಮಮತೆಯ  ಕೊಟ್ಟು ದನಿಸುವೆ. 

ಏಕೆ  ಮಮತೆಯ  ಕೊಟ್ಟು   ದನಿಸುವೆಯೋ  ರಂಗಾ 

ನೀ  ಕರುಣದಿ  ಎನ್ನ     ಪಾಲಿಸೋ    ಕೃಷ್ಣಾ  ........                 \\  ಏ  \\

ನಿನ್ನನು   ಭಜಿಸಲೂ   ಅನ್ಯ  ವಿಷಯಂಗಳಿ  ಗೆನ್ನ   

ಒಪ್ಪಿಸುವದು  ನೀತಿಯೇ   ..... 

ಮನ್ನಿಸಿ   ದಯದಿ    ನೀ  ಎನ್ನ   ಪಾಲಿಸದಿರೆ 

ನಿನ್ನ   ನೇಮಕೆ    ಪ್ರತಿಕೂಲವೇ    ರಂಗಾ   ........                  \\  ಏ  \\

ತನುವು    ತನ್ನದು  ಅಲ್ಲ,   ತನು  ಸಂಭಂಧಿಗ ಳಾರೋ

ತನು  ವಾರೋ. ...... ತಾನ್ಯಾರೋ ......   ಅವರಿಗೇ 

ಧನ  ಮೊದಲಾದ  ವಿಷಯಂಗಳ  ಅನುಭವಾ 

ಹಿಂದಣ   ಜನುಮ,     ದಂತಲ್ಲದೇ    ರಂಗಾ ........                \\  ಏ  \\

ಇಂದ್ರಿಯಂಗಳ   ವಿಷಯ ದಿಂದಾ     ಭೇದಿಸಿ 

ಗೋವಿಂದ    ನಿನ್ನ  ಮನಕೇ    ಬಾರದೇ   ....... 

ಇಂದಿರೆ  ಅರಸ,      ಬ್ರಹ್ಮಾದಿ   ವಂದಿತ  ನಿನ್ನ -

ಬಂದ    ಶಕುತಿಗೆ    ನಮೋ   ನಮೋ ... ರಂಗಾ  ........         \\  ಏ  \\

ಅರಿತು  ಅರಿತು  ಎನಗೇ     ಅರೆಲ ವಾದರೂ 

ವಿರಕುತಿ  ವಿಷಯದಿ    ಬಾರದೂ ......... 

ಕರುಣಾ  ಸಾಗರ    ನಿನ್ನ    ಸ್ಮರಣ  ಒಂದಿಲ್ಲದೇ 

ಮರಳು   ನೀಗುವ  ಭಗೆ      ಗಾಣೆನೋ ...... .ರಂಗಾ .......      \\  ಏ  \\

ಎಂದಿಗೆ  ಇನ್ನೂ    ನಿನ್ನ      ಚಿತ್ತಕೆ   ಬರುವುದೋ . . . . 

ಅಂದಿಗೆ   ಉದ್ಧರಿಸೋ    ಕರುಣಿಯೇ 

ಸುಂದರ  ವಿಗ್ರಹ    ಗೋಪಾಲ  ವಿಠಲಾ    ಸುಖ -

ಸಾಂದ್ರ   ಭವ  ವಿಮೋಚಕ    ನಮೋ  ನಮೋ .... ರಂಗಾ  ....  \\  ಏ  \\