శంఖు చక్ర నామాలు ధరించి నావా
శంఖు చక్ర నామాలు ధరించి నావా
దుష్ట శిక్ష నార్థము వెలసిల్లి నావా || శ ||
ఏడు కొండల పైన కొలువు తీరి నావా
తిరుమల గిరి పైన వెలుగొంది నావా || శ ||
ఆపద మొక్కుల వాడని పేరెందు కయ్యా
ఆపదలు మము గాంచక ఊరకుంటి నయ్యా
నీవే దిక్కని నమ్మిన మమ్ము కాపాడ వయ్యా
కలలోనా యిలా లోనా నిన్నే స్మరింతు నయ్యా || శ ||
రొవ్వంత దయ చూపిన కొండ లేమి కరిగి పోవు
కరుణించి కాపాడిన కరుణ అంత కరిగి పోదు
కష్టాల ఊబిలోన మునిగి పోతున్నాము
కడలి వోలె నావ వోలె కలత చెందు చున్నాము || శ ||
నిత్యా లంకారముతో స్వర్ణ గోపుర నీడలో
సకల భోగ భాగ్యాలు అనుభవించు చున్నావు
నిలువు నీడ లేని మాకు తోడుగా రావయ్యా
నిఖిలాత్మ నీ చెంత నలుసు నై ఉంటనయ్యా || శ ||
No comments:
Post a Comment