మా తల్లీ ఎల్లమ్మ మహిమలు  గనరే   

మా త ల్లీ   ఎల్లమ్మ   మహిమలు   గనరే 

మా  పిల్లా ,  పాపల   కరుణించి  బ్రోచెనే 

మా  ఇంటి   ఎల్లమ్మ   నీవే   నంటా 

మా  కంటి  వెన్నలవూ    నీవే   నంటా  

అమ్మల్లారా             అయ్యల్లారా 

మా  తల్లి   ఎల్లమ్మను   కొలువగా  రారా                || మా ||   

ఆషాడ  మాసమున         పూజలు  చేసీ 

ఆలయమున                  అభిషేకం  చేసీ

దండాలమ్మా                  దండాలంటూ    

చల్లంగా  చూడంటూ      మ్రొక్కెద మమ్మా              || మా  || 

పగడాల    మా తల్లికి       పందేలు   వేసీ     

ముత్యాల  మా తల్లికి      ముగ్గులు   వేసీ 

పల్లకిలో   ఎల్లమ్మను      ఊరేగించి

పసుపు, బండారు            వాడి  బియ్యం  పోసి 

కరుణించమ్మా                 కాపాడమ్మా   

ఏటేట   పండుగలు         జరిపే  నమ్మా                    || మా  || 

పాలు, పెరుగు, నెయ్యి    పరమాన్నాం  చేసి 

పాలకాయ  నైవేద్యం      పూజలు  చేసి 

కొంగు  బంగారు  నగలు  వేయించేవూ  

కోరికకు  మణికంకణ       అర్పించెదము 

సర్వం  నీది                    సకలం   నీది 

శరణం     ఎల్లమ్మా          శరణం  తల్లీ                   || మా  || 

కోటి సూర్య  కాంతి             లొలికే  తల్లీ 

కోవెలలో  కొలువైన            దేవత  వమ్మా 

తోలివేలు  పోతరాజు          వేషాలమ్మా 

శివ  భక్తుల  చిందులేసు   పూనుకాలమ్మా   

భక్తుల్లారా                          బంధువుల్లారా 

సవదత్తి    ఎల్లమ్మను        చూతము  రారా              || మా  || 

నాగ  స్వర  సరిగమలు      నాద  మూదరా 

నాగమ్మ  పడగా  విప్పి       నాట్య   మాడగా 

నందన వన  బృందావన  కాంతులొలుకగా 

మా  తల్లీ   ఎల్లమ్మకు    వేడుకలు  జరగగా 

శరణం   తల్లీ                 శరణాలమ్మా 

శరణు   శరణు  శతకోటి  దండాలమ్మా                   || మా  ||